Алматы техника-экономикалық қатынас жолдары колледжінің Жастар комитетінің төрағасы-Ержан Ерланұлы оқу орынындағы белсенді жастармен кездесу өткізді. Онлайн форматта өткен жиында елімізде болған жастармен Қазақстанның 30 жылдық тарихындағы ең қарқынды әрі қатал қақтығысқа айналғаны туралы қаңтар оқиғасын талқылады.

     «Кездесудің негізгі мақсаты – болған оқиғаға жастар өз ойларын айту, өз ұсыныстарын ортаға салып, талдау жасау, себебін анықтау. Парламентте сөйлеген сөзінде ҚР Президенті Қасым-Жомарт Тоқаев толық құқықтық тәртіпті қамтамасыз ету және азаматтардың құқықтарын қорғау, халықтың қауіпсіздігін қамтамасыз ету, діни экстремизмге және терроризмге қарсы іс-қимыл жөніндегі жұмысты жандандыру, шағын және орта бизнесті дамытуға жәрдемдесу, әлеуметтік-экономикалық мәселелерді шешу сынды нақты міндеттер қойды», – деді жастар комитетінің төрағасы Ержан Ерланұлы. Ел тарихында тұңғыш рет орын алып, күллі Қазақстанды дүр сілкіндірген қаңтар оқиғасы туралы студенттер арасында да түсіндіру жұмыстарын жүргізу қажет.